21-9

النهاردة كان يوم سئ الى حد ما:

الكاشير بتاع السوبر ماركت حركاته غير مريحة وحاسس انه غلط فيا وهو بيكلم البنت

وبعدين بيتكلم بسرعة 

ومبحبش كلمة حبيبي دي

محسسني اني اصغر منه

بس عادي ممكن يكون بيقولها عادي

بس طريقته وحركاته مش مريحة

وبالنسبة للتكييس تقريبا بيعطوا الاولوية للي بيعطوا بقشيش وبيطفشوا او مش بيكيسوا للي مش بيدفع بقشيش

وشكل الكاشير ده اخذ على قفاه كثير من ناس اغنياء فلا تلوم عليه

وهيفضل موظف طول عمره

-----------

بتاع الفينو راجل محترم

-------

سواقين الميكروباص:

بدأت الاحظ ان سلوكهم سئ.

وبعد كدة لما تركب قدام تدفع 10 جنيه وتسكت

ولا تقول له هات الباقي ولا حاجة حفاظا على حياتك

لان بعضهم تحسه بلطجي او عايزك تفك له فضة

انا مش هضيع عمري او اتخانق مع بلطجية عشان جنيه

لو اعطاك الباقي من نفسه خلاص

وسيبهم يتخانقوا مع بعض

--------------------

الدنيا كانت زحمة بطريقة فظيعة

ناس كتير وسيارات كتير وموتوسيكلات كتيرحتى في الشوارع الفاضية

--------------------

فكرت شوية

يعني لو انا اشتغلت في السوبر ماركت في الجنان ده

كيف سأستحمل

يعني هاتبهدل هناك

وكذلك فيه بعض الوظائف عليها ضغط شديد

كله مضغوط

الماركت والافران والميكروباصات

الناس من كثرة الازدحام قلة الادب عندهم بقت عادي

خليك في البيت يا عم لحد ما نشوف هنكسب فلوس كتير ازاي

وتخرج منها وتصبح حر

متولي مسئولية نفسك فقط

لا احد يعرف من اين سييأتي الرزق

انا شوفت قنوات عربية عملت 1000 فيديو وحققت ارباح رهيبة

انت لسة خايف تتعب على اليوتيوب على الفاضي لان المشاهدات ثابتة

وخايف البلوجر ميتقبلش في ادسنس او مشاهداته تكون ضعيفة 

المشكلة ان الفيديو اللي بعمله متعب

لا مش متعب

الفيديو القصير سهل

اللي معطلك هو المقارنات وهي فيديوهات طويلة وصعبة

بعد ان تنتهي منها وتشتغل على الفيديوهات القصيرة هتلاحظ الفرق

وهتكمل

الضغوط الكتير اللي انت شوفتها مخلياك واقف

بعد ان كان كل حلمك هو الربح من الانترنت باي مبالغ

وتحاول في البيتكوين ومشاهدة الاعلانات

وتشاهد النصاب حسن الحلبي وفيديوهات الانستجرام

الان عندك قناة انجليزية حققت الربح

وقناة فرنسية ان شاء الله هتحقق الربح

وكاء صناعي يسهل عليك العمل

سواء في المواضيع او الصور او البلوجر

ورغم كل ده اصبحت مكتئب ومضغوط ومكتئب

لا حول ولا قوة الا بالله

ليه وصلت للمرحلة دي:

1-اللوتري : 

الفوز فيه صعب

ولو فزت المقابلة في مصر صعب وممكن متسافرش

ولو فزت مفيش فلوس لانها راحت بسبب التعويم

2-الشقة الكاملة:

بعد ان فضح اخي الدنيا عشان السقف

اعطيته الفلوس التي يريدها عشان يمشي

نصب عليا واخذها ولم يفعل شئ

ومتبهدل في الطبيخ والخصوصية والازعاج بسببه

3-مشاوير امي:

رايت اشياء كثيرة صعبة

ولازالت مستمرة مثلما حدث اليوم

ولكن الجانب الايجابي هو صلة الرحم والمساعدة في الاكل

4-اليوتيويوب:

من قناة كانت تحقق ارباح كبيرة

الى قناة تحقق ارباح ضعيفة ومشاهدات ثابتة

5-الاهل:

اتجننوا

الاب معاملته اصبحت سيئة

الاخ اللي معايا اتجنن وبقى عنده جنون العظمة

الاخ اللي عند امي اتجنن واصبح بلطجي

مشاكل بين اخويا وعائلة امي على فلوس امي

5-التفكير في ترك البيت:

الخوف ان اترك البيت 

ممكن اشتغل بعيد واتمرمط واتبهدل وورقي معاهم وامشي وآخذ قبضي بصعوبة

وممكن سكني يكون مع ناس وحشة

وفي نفس الوقت 

اول لما هامشي ابويا هيؤجر شقتي وهيعطي فلوسها لاخي او يعملها مكتب

ولو رجعت هاضطر اعيش معاه في شقته وهتخنق

6-السفر عموما:

بعد سن ال40 الطلب ضعيف

او لازم خبرة

او لازم 1000 دولار على الاقل

يعني لسة المشوار طويل عشان اعرف اسافر

7-لايفات التيك توك:

حمود وخالد مش بيفتحوا كتير

وحمود بقى دمه تقيل

وكريم بقي دمه تقيل  وبيجيب سيد مجاري علطول

وفي نفس الوقت انا انشغلت بالشغل وبقيت اطنشهم او انام

عرفت ليه انا تعبان ومش عارف اعمل ايه

عشان كدة بقولك مفيش حل سريع غير لايفات التيك توك

--------

هتجمع 200 عملة

تفتح لايف وتسحبهم

ثم تفتح لايف تعليمي

ثم لايف جوالات عشوائية

ثم جوالات مع اجانب

ومش هيفرق معايا ولا اخويا ولا ابويا

كل هدفي هو تجميع مبلغ والهروب

سواء الامارات او عمل موسمي

انا مش هاقدر اقعد سنين كتير متبهدل على الفاضي 

القناة دي مشاهداتها ثابتة علطول

والبلوجر هيحتاج زيارات كتير ودومين ولسة مفيش خبرة

------------

على العموم انا لسة هاستمر في التجارب:

اليوتيوب:

القناة الانجليزية

والقناة الفرنسية

:البلوجر

تعديل الموقع

ثم فودافون كاش

ثم ريدوت باي

ثم التحويل بينهم

ثم دومين

ثم جوجل

ثم ادسنس او بدائله

التيك توك:

تجميع 200 عملة 

ثم تجميع 1000 متابع

ثم سحب ال200 عملة الى دولار الى فودافون كاش

ثم فتح لايفات بالتدريج