جديد

 واضح ان السوبر ماركت ده فيه مشاكل كتير

متاخذش كل كلام الشات جي بي تي

كل كلامه جيد

وجزئية الاشاعات حتى لو صحيحة

الحكاية كلها بين شخصين

وحتى لو حقيقة

طب ما انا كنت عارف ومطنش

المهم المعاملة

المعاملة هتخلي اي حد يحترم نفسه

انت ماشي هتدخل تشتري كل اللي انت عايزه وتحاسب بالفاتورة

وبالنسبة لبتاع الامن ده راجل مريض

تجاهله تماما

حتى المرة اللي قالي اساعدك فيها

دخل كدة مرة واحدة بدون مقدمات

وطريقته مفاجئة في الكلام مع الناس بصوت عالي

لما كان بيسلم عليا آخر مرة عند الكاشير مش عارف كان بيكلمني ولا بيكلم الهوا ولا ايه ده

ولما بادرت بجو من السلام ونظر لي كأـنه سيسلم لم يسلم ولا شئ ودي مش اول مرة

لما بيطلب حاجة وارد عليه يصمت مرة واحدة ويعطيني ظهره

لا تتعامل معه وخلاص

باقي الناس اتعامل معاهم عادي

ومتكبرش المواضيع

ادخل اشتري وحاسب بالفاتورة وخلاص وحط الحاجة في الاكياس لو مفيش حد او بيتهربوا

الدنيا مش مخيفة ولا حاجة

هما نفسهم عايشين في حالة جنان وبهدلة

فاي حاجة غريبة تشوفها كبر دماغك عادي

محدش مهتم بيك اصلا

هما نفسهم مجانين

----------------

المشكلة مش في السوبر ماركت دلوقتي

حتى لو اتعاملت مع السوبر ماركت بمشاكله

المشكلة في كثرة وطول قعدتك في البيت والسنين بتضيع

واخواتك اللي مبهدلينك

واليوتيوب اللي اصبح الربح منه صعب

قناة التريندات: كسبت منها 1900 دولار في 3 سنين

يعني ادخار 150 دولار في السنة لو بمصاريفك الحالية

قناة الباسبورتات: كسبت منها 800 دولار في سنتين

يعني بدون اي ادخار كل سنة

مش كدة وبس الارباح بدأت تنزل حاليا وكأن القناة لسة مفعلة ربح والارباح اصبحت ضعيفة جدا

-----------

طيب هنفترض انك شديت حيلك

وكل يوم فيديو

مع ان هذا صعب جدا

وعملت كل اسبوع 5 فيديوهات

ولم تعطي لنفسك زمن مقفول

مثل سنة مثلا

الفيديوهات بعضها هينجح وبعضها هيفشل  خلال هذا الاسبوع

الفيديوهات كلها لن تستمر في الزمن بل ستكون مثل التريندات

تنجح ثم تموت

الارباح ستكون 3 دولار للفيديوهات الناجحة

الشهر فيه 20 فيديو

10 فيديوهات هتنجح

يعني 30 دولار

10 فيديوهات هتفشل

يعني سنتات

هتفضل كدة كل شهر

فيديوهات تريند وليست بحث

انت مصاريفك لوحدها 45 دولار

وكل مرة تصبح اقل بسبب مصاريف امك واخوك عمرو

مش هتوصل لحاجة غير :

بهدلة في السوبر ماركت الذي لا تحبه

بهدلة في المشوار رايح جاي

بهدلة في الاجهزة اللي بتبوظ عند امك كل شوية لانها رخيصة او لسوء الاستعمال

تتعرض لاخوك هناك الذي اصبح سئ جدا واحتمال يبقى اسوأ

بهدلة في اليوتيوب مصاريف فقط ومفيش ادخار او ادخار ضعيف او ادخار كبير يصاحبه تعويم

----------

طب وليه يا ابني تسيب نفسك لكل ده

ما تمشي يا ابني

خليك زي ما انت على الخطة المتفق عليها

شهر 4 هتعمل 6 فيديوهات

شهر 5 هتشوف نتيجة اللوتري وهتضيف الحساب المصري بعد انتقال الربح الاخير من ادسنس لليوتيوب

وبعدها نتوكل على الله 

نمسك في اي وظيفة في شرم الشيخ حتى لو فرد امن وبعدها ننقل لوظائف اخرى

اهم حاجة نلحق نبعد عن الاحداث الحالية

مفيش امان - مفيش ادخار

بعد فترة من الشغل البعيد

نرجع تاني لليوتيوب لو لقينا مفيش منفعة كبيرة من الشغل في شرم الشيخ

وفي نفس الوقت يكونوا حلوا المشاكل مع بعض عشان ارتاح من البهدلة دي

وبصراحة انا اتخدعت في اليوتيوب

مهما ادخرت ساتضرر كثيرا

بهدلة على الفاضي

عدم التركيز في الشغل بسبب ضغوط كثيرة

الادخار لن يكون كبيرا بسبب زيادة المصاريف

اكبر غلطات عملتها:

قنوات متنوعة

قناة ثانية

بلوجر

وبالتالي فيديوهات قليلة في القناة الاولى

وبالتالي ارباح قليلة

وبالتالي احباط

وبالتالي مصاريف

وبالتالي افلاس

وبالتالي توقف

ضيف على ذلك المشاكل الحياتية المتعبة

ابوس ايدك

وقف يوتيوب دلوقتي

انا عارفك انك متحمس للشغل دلوقتي

بس حياتك معرضة للخطر

خطر نفسي وخطر جمساني وخطر مادي وخطر مستقبلي

فيه وظائف آخرها 40 سنة

لازم تمشي في اسرع وقت ممكن

استمر على الخطة

وامشي في شهر 5

وسيب فلوس اليوتيوب تنزل في الحساب لا تنتظرها

إمشي غير جو

وإرجع تاني لو هتكمل

تكون الدنيا اتغيرت